Աղբյուր․ «Ռեալը չի վերադարձնի Ռոնալդուին»

Ինչպես տեղեկացնում է Mundo Deportivo-ն, «Ռեալի» ղեկավարությունը հետաքրքրված չէ «Յուվենտուսի» հարձակվող Կրիշտիանու Ռոնալդուին վերադարձնելու գաղափարով։

Ըստ աղբյուրի՝ ակումբը մտադիր չէ ձեռք բերել 35-ամյա ֆուտբոլիստին, քանի ցանկանում է ավելի երիտասարդացնել կազմը։ «Ռեալի» տրանսֆերային հիմնական նպատակները լինելու են «Բորուսիա Դորտմունդի» հարձակվող Էրլինգ Հալանդը և ՊՍԺ-ի հարձակվող Կիլիան Մբապեն։ Ավելի վաղ հաղորդվում էր, որ «Յուվենտուսը» կորոնավիրուսի համաճարակի պատճառով առաջաց ճգնաժամը հաղթահարելու նպատակով ստիպված կլինի բաժանվել Ռոնալդուից։

Հիշեցնենք, որ Կրիշտիանու Ռոնալդուն մադրիդյան ակումբի գույները պաշտպանել է 2009-18 թթ։ 2018 թվականի ամռանը պորտուգալացի ֆուտբոլիստը 117 մլն եվրոյի դիմաց տեղափոխվեց «Յուվենտուս»։