Ատալանտան կանգնացրեց Նապոլիին` խոշոր հաշվով հաղթելով արտագնա խաղում 🎥

Իտալական Ա սերիայի 11-րդ տուրի կենտրոնական խաղում «Ատալանտան» «Դիեգո Արմանդո Մարադոնա» մարզադաշտում հյուրընկալվելիս մրցեց առաջնության առաջատար «Նապոլիի» դեմ։

Բերգամոն ներկայացնող ակումբը շատ արագ երկու գնդակի առավելություն ստացավ. դուբլի հեղինակ դարձավ նիգերիացի հարձակվող Ադեմոլա Լուքմանը։

Խաղավերջում Մատեո Ռետեգին ևս մեկ գնդակ ուղարկեց նեապոլյան ակումբն ու դրեց հանդիպման վերջակետը` 3:0։

Նշենք, որ Ռետեգին Իտալիայի ընթացիկ առաջնությունում 11 խաղում խփել է 11 գոլ ու լավագույն ռմբարկուն է։

Այսպիսով, «Ատալանտան» 5-րդ անընդմեջ հաղթանակը տարավ և 22 միավորով բարձրացավ երկրորդ տեղ։

Անտոնիո Կոնտեի գլխավորած թիմը առաջին տնային պարտությունը կրեց, 25 միավորով շարունակում է գլխավորել մրցաշարային աղյուսակը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից