ԱԱ-2026. ՈՒԵՖԱ-ի գոտու անցումային փլեյ-օֆֆի վիճակահանության զամբյուղները

Ավարտվել է ԱԱ-2026-ի եվրոպական գոտու ընտրական մրցաշարը։

16 հավաքականներ պայքարը կշարունակեն անցումային փլեյ-օֆֆ-ում, որոնք բաժանվել են չորս խմբի` A, B, C և D։

A և B խմբերի հավաքականները կլինեն վիճակահանության առաջին, իսկ C և D-ի թիմերը` երկրորդ զամբյուղում։

Առաջին զամբյուղ

A – Իտալիա, Դանիա, Թուրքիա, Ուկրաինա

B – Լեհաստան, Ուելս, Չեխիա, Սլովակիա

Երկրորդ զամբյուղ

C – Իռլանդիա, Ալբանիա, Բոսնիա և Հերցեգովինա, Կոսովո

D – Ռումինիա, Շվեդիա, Հյուսիային Իռլանդիա, Հյուսիսային Մակեդոնիա

Փլեյ-օֆֆ ձևաչափով կխաղարկվի Մունդիալի չորս ուղեգիր։ A խմբի հավաքականները կիսաեզրափակիչում կհանդիպեն D-ի թիմերին, իսկ B խմբի հավաքականները` C-ի թիմերին։

Առաջին զամբյուղի հավաքականները կիսաեզրափակիչի հանդիպումը կանցկացնեն սեփական դաշտում։ Եզրափակիչի տանտերը կորոշվի վիճակահանության ժամանակ։

Անցումային փլեյ-օֆֆ-ի վիճակահանությունը կկայանա նոյեմբերի 20-ին, մեկնարկը` ժամը 16:00-ին։

Կիսաեզրափակիչները կկայանան 2026թ. մարտի 26-ին, իսկ եզրափակիչները` մարտի 31-ին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml