Ա սերիան ներկայացնող ակումբն ավարտին է հասցրել Արթուր Մելոյի տրանսֆերը

«Յուվենտուսի» կիսապաշտպան Արթուր Մելոն կարիերան կշարունակի «Ֆիորենտինայի» կազմում։

Ինսայդեր Ֆաբրիցիո Ռոմանոն, կողմերը գործարքի հարցում հասել են վերջնական համաձայնության։

«Մանուշակները» մինչև 2024 թ. հունիսի 30-ը կվարձակալեն բրազիլացի ֆուտբոլիստին, ինչից հետո 20 մլն եվրոյի դիմաց կունենան նրան գնելու իրավունք։

«Յուվենտուսը» կշարունակի վճարել 26-ամյա ֆուտբոլիստի աշխատավարձի 50%-ը։

Նշենք, որ Արթուրի տարեկան աշխատավարձը 5,5 մլն եվրո է։

Հավելենք, որ բրազիլացի ֆուտբոլիստը 2022/23 մրցաշրջանը վարձավճարով անցկացրել է «Լիվերպուլի» կազմում, սակայն դաշտ է դուրս եկել ընդամենը 1 անգամ։

26-ամյա ֆուտբոլիստը «բյանկոներիների» շարքերը համալրել է 2020 թ. սեպտեմբերին` անցկացրած 63 խաղում դառնալով 1 գոլի և 1 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am