Խավին խոսել է Ռեալից կրած ջախջախիչ պարտության մասին

Իսպանիայի գավաթի կիսաեզրափակիչի պատասպան խաղում «Բարսելոնան» սեփական հարկի տակ 0:4 հաշվով ջախջախիչ պարտություն կրեց «Ռեալ Մադրիդից»` լքելով հետագա պայքարը։

Հանդիպումից հետո իր տպավորություններով է կիսվել «բլաուգրանայի» գլխավոր մարզիչ Խավին.

«Շնորհավորում եմ «Ռեալին»։ Մրցակիցը հիանալի երկրորդ խաղակես անցկացրեց և լավ պայքարեց յուրաքանչյուր դրվագում։

Եթե ներում ես «Ռեալին», ապա նա օգտվում է դրանից։ Այն, որ նրանք հաղթել են Չեմպիոնների լիգան, պատահականություն չէ. հիանալի թիմ ունեն։

Կարելի է այսօր պարտվել 0:4, սակայն դառնալ Լա լիգայի և Սուպերգավաթի հաղթող։ Իհարկե, սա կարևոր արդյունք է. «Ռեալն» արժանի էր հաղթանակի։

Մարդիկ պետք է հիշեն, որ եթե Իսպանիայում ցանկանում ես տիտղոս նվաճել, պետք է հաղթես հզոր «Ռեալին»։

Ես հպարտանում եմ, քանի որ, կարծում եմ, առաջին կեսում ավելի լավ խաղացինք։

Եթե մենք հաղթենք Լա լիգան և Սուպերգավաթն, այս պարտությունը չի փչացնի մեր հիանալի մրցաշրջանը։

Այդուհանդերձ, այս պարտությունը դժվար թե որևէ մեկին լավ հուշեր թողնի. դժվար կլինի քնել։

Ես ֆուտբոլիստներին ասացի, որ այսպիսին է «Ռեալը». ողջ խաղակեսի ընթացքում առավելություն ունես, պահեր ես ստեղծում, սակայն ընդմիջման գնում ես 0:1 հաշվի պայմաններում։ «Ռեալը» լավ իրացրեց իր գոլային պահերը»,- Խավիի խոսքերը մեջբերում է Marca-ն։

Հավելենք, որ «Բարսելոնան» Կլասիկոներում 1963 թ. ի վեր կրել է ամենախոշոր հաշվով տնային պարտությունը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am