UFC-311. Մախաչևը հաղթեց Մոյկանոյին, Դվալիշվիլին` Նուրմագոմեդովին 🎥
Լոս Անջելեսում կայացավ UFC-311 մրցաշարը։
Օրվա գլխավոր մենամարտում Իսլամ Մախաչևն առաջին ռաունդում խեղդող հնարքով հաղթեց Ռենատո Մոյկանոյին և պաշտպանեց թեթև քաշային կարգի չեմպիոնի տիտղոսը։
Դաղստանցի մարտիկը տարավ 12-րդ անընդմեջ հաղթանակը, 5-րդ անգամ պաշտպանեց չեմպիոնի տիտղոսը։ Առհասարակ նա 28 մենամարտից 27-ն (13-ը` նոկաուտով) ավարտել է իր օգտին, կրել 1 պարտություն։
Բրազիլացի Մոյկանոն կրեց 6-րդ պարտությունը, տարել է 20 հաղթանակ, 1 մենամարտ էլ գրանցվել է ոչ-ոքի։ Հիշենցենք, որ նա փոխարինել էր վնասվածք ստացած հայ մարտիկ Արման Ծառուկյանին։
Օրվա մյուս գլխավոր մենամարտում Մերաբ Դվալիշիլին մրցավարների միաձայն որոշմամբ պարտության մատնեց Ումար Նումագոմեդովին և պաշտպանեց թեթևագույն քաշային կարգի չեմպիոնական գոտին։ Մենամարտում կայացել են բոլոր 5 ռաունդները։
Վրացի Դվալիշվիլին առաջին անգամ է պաշտպանել տիտղոսը, տարել 12-րդ անընդմեջ հաղթանակը։ 34-ամյա մարտիկը 23-րդ մենամարոում 19 հաղթանակ և 3 պարտություն ունի։
Ումար Նուրմագոմեդովը կարիերայում առաջին պարտությունն է կրել։ Նա նաև 18 անգամ հաղթել է մրցակիցներին։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից
# UFC, UFC-311, Իսլամ Մախաչև, Մերաբ Դվալիշվիլի, Ումար Նուրմագոմեդով, Ռենատո Մոյկանո