Ռոյսի ֆանտաստիկ պերֆորմանսը. Բորուսիա Դորտմունդը քարուքանդ արեց Բորուսիա Մյունխենգլադբախին🎥

Գերմանական Բունդեսլիգայի 23-րդ տուրի կենտրոնական հանդիպումը կայացավ «Սիգնալ Իդունա Պարկ» մարզադաշտում, որտեղ միմյանց դեմ մրցեցին «Բորուսիա Դորտմունդ» ու «Բորուսիա Մյունխենգլադբախը»։

Հանդիպման մեծ մասում դորտմունդյան ակումբն ուներ խաղային լուրջ առավելություն` հյուրերի դարպասն ուղարկելով 6 անպատասխան գնդակ։

Հանդիպման հերոս դարձավ «իշամեղուների» ավագ Մարկո Ռոյսը, ով իր անվան դիմաց գրանցեց 2 գոլ և 3 գոլային փոխանցում։

Բացի Ռոյսից, «Բորուսիայի» կազմից մեկական անգամ էլ աչքի ընկան Դոնիել Մալնենը, Մարիուս Վոլֆը, Յուսուֆա Մուկոկոն ու Էմրե Ջանը։

Այս հաղթանակից հետո Մարկո Ռոզեի թիմը վաստակեց 49 միավոր և զբաղեցնում է 2-րդ հորիզոնականը։

«Բորուսիա Մյունխենգլադբախը», 26 միավորով, 13-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am