Ռեալը, Բավարիան ու ՊՍԺ-ն հետաքրքրված են Ռեյմսի լավագույն ռմբարկուի ծառայություններով

«Ռեյմսի» կենտրոնական հարձակվող Յուգո Էկիտիկեն, ամենայն հավանականությամբ, ամառային տրանսֆերային պատուհանի ժամանակ կփոխի ակումբային գրանցումը։

Ouest France-ը, հղում կատարելով L’Equipe-ին, հայտնում է, որ 19-ամյա ֆուտբոլիստի ծառայություններով հետաքրքրված են «Ռեալ Մադրիդը», ՊՍԺ-ն ու «Բավարիան»։

Այդուհանդերձ, հայտնի է, որ ֆրանսիացի հարձակվողի տրասֆերն իրականացնելուն ամենամոտը «Նյուքասլն» է։

Հայտնի է, որ «կաչաղակներն» արդեն տևական ժամանակ է տրանսֆերի հարցում համաձայնության են հասել «Ռեյմսի» հետ ու գործարքի դիմաց ֆրանսիական ակումբին վճարելու են 30+5 եվոո։

«Նյուքասլը» նաև 5 տարվա պայմանագիր է համաձայնեցրել Էկիտիկեի հետ, սակայն 19-ամյա ֆուտբոլիստը դեռևս չի շտապում որոշում կայացնել ապագայի հարցում։

Հավելենք, որ Լիգա 1-ի 2021/22 մրցաշրջանում Յուգո Էկիտիկեն անցկացրած 23 խաղում դարձել է 10 գոլի հեղինակ. իր ակումբի լավագույն ռմբարկուն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am