Աղբյուր. Մոուրինյուի վերադարձի դեպքում Ռամոսը կհեռանա

Միջազգային ֆուտբոլի ներկայի գլխավոր հարցերից մեկը. արդյո՞ք Ժոզե Մոուրինյուն կգլխավորի «Ռեալը»: Այն, որ «արքայական» ակումբում իրավիճակը պայթյունավտանգ է, հայտնի է բոլորին:

Միջազգային սպորտային մամուլը չի դադարում ուշադրության կենտրոնում պահել իրավիճակը և հնարավոր զարգացումները:

Daily Mail-ը, հղում կատարելով «Ռեալի» մոտ կանգնած աղբյուրին, հայտնում է, որ Մոուրինյուի՝ «Ռեալ» վերադարձի դեպքում թիմից կհեռանա ավագ Սերխիո Ռամոսը:

Նշվում է, որ իսպանացի պաշտպանը սպառնացել է հեռանալով: Պորտուգալացի մասնագետին դեմ են արտահայտվել նաև Բեյլը, Մարսելոն և Բենզեման:

Ֆլորենտինո Պերեսն ընդգծել է, որ գլխավոր մարզչի ընտրության հարցում ֆուտբոլիստների կարծիքը հաշվի չի առնվելու: