Մխիթարյան. «Հաղթանակը նաև իմ խաղընկերների վաստակն է, այլ ոչ թե միայն իմ»

Չեմպիոնների լիգայի կիսաեզրափակիչի առաջին խաղում «Ինտերը» հյուրընկալվելիս 2:0 հաշվով հաղթեց «Միլանին»։

«Ներաձուրիների» կազմից հանդիպմանը մասնակցեց նաև Հենրիխ Մխիթարյանը, ով 11-րդ րոպեին դարձավ գոլի հեղինակ։

Հանդիպումից հետո հայազգի ֆուտբոլիստը կիսվել է իր տպավորություններով.

«Առաջին իսկ րոպեներից այս խաղը հաղթելու մեծ ցանկություն ունեինք, ինչը ցույց տվեցինք հանդիպման մեկնարկում, որը շարունակեցինք երկրորդ խաղակեսում և հաջողության հասանք։

Իմ խաղընկերները մեծ վաստակ ունեն հաղթանակի հասնելու հարցում, ովքեր հսկայական աշխատանք կատարեցին, սակայն սա դեռ վերջը չէ։

Պատասխան խաղում էլ դեռ մեզ հիանալի պայքար է սպասվում։

Վատ չէր լինի, եթե ավելի շատ գոլեր խփեինք։ Մենք լավ պահեր ունեինք, սակայն, ցավոք, ստիպված ենք բավարարվել երկու գոլով։

Հուսով եմ` հաջորդ խաղում ավելի շատ կխփենք։

Չեմ ցանկանում մտածել, որ արդեն եզրափակիչում ենք։ Մենք ցանկանում ենք կենտրոնանալ հաջորդ հանդիպման վրա։ Հաղթանակը նաև իմ խաղընկերների վաստակն է, այլ ոչ թե միայն իմ»,- Մխիթարյանի խոսքերը մեջբերում է Pazzi di Fanta-ն։

Հավելենք, որ «Ինտեր» – «Միլան» դիմակայության պատասխան հանդիպումը կկայանա մայիսի 16-ին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am