Marca. Ռեալում թերահավատորեն են վերաբերվում Պոգբայի խաղին կարևոր հանդիպումներում
«Ռեալը» շարունակում է դիտարկել «Մանչեսթեր Յունայթեդի» կիսապաշտպան Պոլ Պոգբայի հնարավոր տրանսֆերի տարբերակը:
Մադրիդցիների գլխավոր մարզիչ Զինեդին Զիդանը խնդրել է ձեռք բերել Ֆրանսիայի հավաքականի 26-ամյա կիսապշտպանին:
Ինչպես հայտնում է Marca-ն, «Ռեալը» հետևում է Պոգբայի խաղին և բարձր է գնահատում նրա տաղանդը, սակայն ակումբում թերահավատորեն են վերաբերվում կարևոր հանդիպումներում նրա որոշիչ դեր խաղալու ունակություններին: ՄՅՈւ-ի երկու պարտությունները «Բարսելոնայից» միայն հաստատում են նման կարծիքը:
Ամռանը մադրիդյան ակումբը մտադիր չէ գումար ծախսել այն նորեկների վրա, ովքեր կարևոր դեր չեն կրողանալու ունենալ և 150 միլիոն եվրոն Պոգբայի համար ակումբում համարում են չափազանցված գին:
Բացի այդ, «Ռեալը» մտադիր չէ փոխել իր մոտեցումը աշխատավարձերին: Ամառային տրանսֆերներից հետո թիմի ավագ Սերխիո Ռամոսը կմնա ակումբի ամենաբարձր վարձատրվող ֆուտբոլիստը:
# Մանչեսթեր-Յունայթեդ, Պոլ-Պոգբա, Ռեալ, տրանսֆերներ