Սիթին հիացրեց և կամային հաղթանակ տոնեց ՊՍԺ-ի նկատմամբ🎥

Սիթին հիացրեց և կամային հաղթանակ տոնեց ՊՍԺ-ի նկատմամբ🎥

25/11/2021 - 01:51

Չեմպիոնների լիգայի խմբային փուլի 5-րդ տուրում «Մանչեսթեր Սիթին» A խմբի շրջանակում մրցեց ՊՍԺ-ի դեմ։

Հանդիպման մեկնարկից սկսած` «քաղաքաբնկաները» միանգամից տիրեցին նախաձեռնությանը և նախքան ընդմիջման գնալը ստեղծեցին բազում գոլային պահեր, սակայն ոչ մի կերպ չկարողաղան բացել խաղի հաշիվը։

Երկրորդ կեսի մեկնարկում` 52-րդ րոպեին, «Փարիզը» իր առաջին իսկ լուրջ վտանգավոր գրոհը վերածեց գոլի, որն իր անվան դիմաց գրանցեց Կիլիան Մբապեն։

Փաստացի ՊՍԺ-ի խփած գոլը չփոխեց հանդիպման տրամաբանությունը, քանի որ խաղն ընթանում էր տանտերերի թելադրանքով, ովքեր էլ արդեն 63-րդ րոպեին Ռահիմ Սթերլինգի ջանքերով խփեցին պատասխան գնդակը։

Ոգևորված ձեռք բերածով` Պեպ Գվարդիոլայի սաները շարունակեցին ճնշել ՊՍԺ-ին ու 76-րդ րոպեին նաև առաջ անցան հաշվի մեջ, իսկ գոլի հեղինակ դարձավ Գաբի Ժեզուսը։

Խաղավերջում մանկունյական ակումբը հանգստացրեց խաղի ընթացքն ու այն մոտեցրեց տրամաբանական հաղթական ավարտին։

Այսպիսով, «Մանչեսթեր Սիթին» հաղթեց 2:1 հաշվով։

Այս խմբում կայացել է ևս մեկ հանդիպում.

«Բրյուգե» 0:5 «Լայպցիգ»

A խումբը վերջին տուրից առաջ ստացավ հետևյալ տեսքը.

  1. «Մանչեսթեր Սիթի» – 12 միավոր
  2. ՊՍԺ – 8 միավոր
  3. «Լայպցիգ» – 4 միավոր
  4. «Բրյուգե» – 4 միավոր

A խմբից «Մանչեսթեր Սիթին» առաջին հորիզոնականով նվաճեց 1/8 եզրափակիչի ուղեգիր։

Փլեյ-օֆֆ-ի ուղեգիր նվաճեց նաև ՊՍԺ-ն, որը խմբի վերջնարդյունքում կհանգրվանի 2-րդ հորիզոնականում

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022