Interfootball-ի հարցմանը մասնակցածների 43%-ի կարծիքով Արգենտինան կդառնա ԱԱ չեմպիոն

Քաթարում կայանալիք աշխարհի առաջնության մեկնարկին մնացել են ընդամենը հաշված ժամեր։

Օրեր առաջ Interfootball-ի Telegram-ի ալիքում հարցում սկսվեց` պարզելու հետևորդների կարծիքը, թե Արգենտինայի հավաքականն ԱԱ-2022-ում մինչև որ փուլ կհասնի։

Հարցմանը մասնակցածների 43%-ի կարծիքով «ալբիսելեստեն» կդառնա աշխարհի չեմպիոն։

16%-ը կարծում է, որ Լեո Մեսսին ու ընկերները կհասնեն մինչև եզրափակիչ, իսկ 15%-ը` դուրս կմնա 1/4 եզրափակիչից։

Հարցմանը մասնակցածների միայն 2%-ն է կարծում, որ Արգենտինայի հավաքականը չի կարողանա հաղթահարել խմբային փուլի արգելքն ու դուրս կմնա պայքարից։

հարցման ողջ արդյունքներին կարող եք ծանոթանալ այստեղ։

Հավելենք, որ Արգենտինայի հավաքականն արդեն 36 հանդիպում անընդմեջ անպարտելի է և համարվում է աշխարհի չեմպիոն դառնալու գլխավոր ֆավորիտներից մեկը։

Հ.Գ. Միացե՛ք Interfootball-ի Telegram-ի ալիքին այս հղումով https://t.me/Interfootball_am, որպեսզի դուք նույնպես մասնակցեք նմանատիպ այլ հարցումների