Here we go! Կանավարոն կգլխավորի ԱԱ-2026-ի մասնակից հավաքականերից մեկը 📸

Ֆաբիո Կանավարոն կստանձնի Ուզբեկստանի ազգային հավաքականի գլխավոր մարզչի պաշտոնը, հայտնում է ինսայդեր Ֆաբրիցիո Ռոմանոն։

Իտալացի մասնագետը և Ուզբեկստանի ֆուտբոլային ասոցիացիան բանավոր համաձայնության են հասել։ Կողմերը 24-48 ժամվա ընթացքում կստորագրեն բոլոր փաստաթղթերը։

52-ամյա մասնագետը պաշտոնում կփոխարինի Թիմուր Կապաձեին, որի գլխավորությամբ ուզբեկները պատմության մեջ առաջին անգամ նվաճել են աշխարհի առաջնության ուղեգիր ու կմասնակցեն Մունդիալ-2026-ին։

«Ոսկե գնդակի» 2006թ. դափնեկիր Կանավարոյի նախորդ աշխատավայրը Զագրեբի «Դինամոյում» էր, որը մարզել է 2024թ. դեկտեմբերից 2025թ. ապրիլ։

Իտալացին նախկինում մարզել է նաև «Ուդինեզեն», «Բենևենտոն», չինական «Գուանչժոու Էվերգրանդը», «Տյանցզին Տյանհայը», սաուդյան «Ալ Նասրը» և այլ ակումբներ։ Նա 2019թ. մարտից ապրիլ էլ երկու խաղում եղել է Չինաստանի ազգային հավաքականի գլխավոր մարզչի ժամանակավոր պաշտոնակատարը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

🚨🇺🇿 EXCL: Fabio Cannavaro verbally agrees to become new Uzbekistan head coach as part of World Cup 2026.

Agreement in place on contract terms with formal documents expected to be reviewed and signed in 24/48h.

Cannavaro, ready to accept as revealed on Monday. 🇮🇹 pic.twitter.com/0qdy6GSdEf

— Fabrizio Romano (@FabrizioRomano) October 2, 2025