Here we go! Իսակն ԱՊԼ-ի համար ռեկորդային գնով կտեղափոխվի «Լիվերպուլ» 📸
«Նյուքասլի» հարձակվող Ալեքսանդր Իսակը կարիերան կշարունակի «Լիվերպուլ», հայտնում է ինսայդեր Ֆաբրիցիո Ռոմանոն։
Մերսիսայդյան գրանդը համաձայնեցրել է շվեդ ֆուտբոլիստի տրանսֆերն ու նրա տեղափոխության համար կվճարի 130 միլիոն ֆունտ` մոտ 150 միլիոն եվրո։
Այս գործարքը կդառնա Անգլիայի Պրեմիեր լիգայի պատմության մեջ ամենաթանկ տրանսֆերը և կգերազանցի Ֆլորիան Վրիցի ռեկորդը։ Գերմանացի կիսապաշտպանին «Լիվերպուլն» ընդամենը ամիսներ առաջ «Բայերից» ձեռք է բերել 125 միլիոն եվրոյով։
Այս տեղափոխությունը ֆուտբոլի պատմության մեջ երրորդ ամենաթանկը կլինելի։ Ավելի շատ գումարով իրականացվել են միայն Նեյմարի («Բարսելոնայից» ՊՍԺ` 222 միլիոն եվրոյով) և Կիլիան Մբապեի («Մոնակոյից» ՊՍԺ` 180 միլիոնով) տրանսֆերները։
Իսակը շուտով կմեկնի Լիվերպուլ, որտեղ բուժզննում կանցնի ու երկարաժամկետ պայմանագիր կստորագրի նոր ակումբի հետ։
25-ամյա հարձակվողը «Նյուքասլում» էր 2022 թ. օգոստոսից, 109 խաղում 63 գոլ է խփել, կատարել 11 ասիստ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
# Ալեքսանդր Իսակ, ԱՊԼ, Լիվերպուլ, Նյուքասլ, տրանսֆերներ, Ֆաբրիցո Ռոմանո