France Football-ի գլխավոր խմբագիրը չի բացառել, որ Լևանդովսկին 2020 թ. համար «Ոսկե գնդակ» կստանա

France Football-ի գլխավոր խմբագիրը չի բացառել, որ Լևանդովսկին 2020 թ. համար «Ոսկե գնդակ» կստանա

02/12/2021 - 12:55

France Football պարբերականի գլխավոր խմբագիր Պասկալ Ֆերեն պատասխանել է «Բավարիայի» հարձակվող Ռոբերտ Լևանդովսկուն 2020 թ. համար «Ոսկե գնդակ» շնորհելու մասին հարցին։

Նշենք, որ նոյեմբերի 29-ին Փարիզում կայացած «Ոսկե գնդակի» մրցանակաբաշխության ժամանակ Լեո Մեսսին պատվավոր մրցանակը ստանալուց հետո ամբիոնի մոտ ելույթ ունենալիս նշեց, որ Լևանդովսկուն պետք է պարտադիր շնորհել մրցանակը։

«Մեսսիի խոսքերը գեղեցիկ են և տեղին, սակայն պետք չէ հապճեպ որոշումներ կայացնել։

Մենք, հնարավոր է, անդրադաենանք Լևանդովսկուն 2020 թ. համար «Ոսկե գնդակ» շնորհելու գաղափարին, և միևնույն ժամանակ էլ պետք է հարգենք մրցանակի պատմությունը, որը հիմնված է քվեարկության հիմքի վրա։

Մենք չենք կարող վստահ լինել, որ Լևանդովսկին նախորդ տարի կստանար «Ոսկե գնդակը», քանի որ քվեարկություն չի եղել, սակայն, անկեղծ, նա 2020-ին մրցանակը ստանալու հիանալի հնարավորություն ուներ»,- Ֆերեի խոսքերը մեջբերում է Waston-ը։

Հիշեցնենք, որ Լեո Մեսսին վերջերս 7-րդ անգամ նվաճեց «Ոսկե գնդակը»` ընդամենը 33 ձայնով առաջ անցնելով Ռոբերտ Լևանդովսկուց։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022