Daily Mail. Զենիթը բանակցություններ է վարում Կովաչիչի տրանսֆերի համար
«Ռեալի» կիսապաշտպան Մաթեո Կովաչիչը հետաքրքրում է «Զենիթին»:
Ինչպես հայտնում է Daily Mail-ը, 24-ամյա կիսապաշտպանի ներկայացուցիչները բանակցում են ֆուտբոլիստի ռուսական ակումբ տեղափոխվելու մասին:
Կովաչիչն ընթացիկ մրցաշրջանը վարձակալության հիմունքներով անցկացնում է «Չելսիում» և լոնդոնցիների մարզիչ Մաուրիսիո Սարին կցանկանար պահել նրան թիմի կազմում:
Սակայն «Չելսին» չունի ֆուտբոլիստի պայմանագրի գնաման իրավունք և տրանսֆերն էլ հնարավոր է այն դեպքում, եթե անգլիական ակումբը խուսափի ՖԻՖԱ-ի կողմից դրված տրանսֆերային արգելանքից:
«Ռեալի» գլխավոր մարզիչ Զինեդին Զիդանը համաձայն է վաճառել Կովաչիչին: Ֆուտբոլիստի ներկայացուցիչներն այս շաբաթ բանակցություններ են անցկացրել և աշխատում են հնարավոր տրանսֆերի վրա:
Կովաչիչը ԱՊԼ-ի ընթացիկ մրցաշրջանի 28 խաղերում կատարել է 2 գոլային փոխանցում: