2021 թ․ առաջին քառորդի լավագույն ֆուտբոլիստներն` ըստ CIES-ի

Սպորտի միջազգային հետազոտությունների կենտրոնը՝ CIES -ն ամփոփել է 2021 թվականի առաջին քառորդի ֆուտբոլային արդյունքները՝ գնահատելով թոփ-5 առաջնություններում հանդես եկող ֆուտբոլիստներին։

Հետազոտությունների կենտրոնը յուրահատուկ մեթոդ է մշակել, որը թույլ է տալիս գնահատել ֆուտբոլիստների օգտակարությունը՝ անկախ այն բանից, թե որ դիրքում է հանդես գալիս նա։

CIES-ը գնահատել է թոփ-5 լիգաների 98 ակումբների բոլոր ֆուտբոլիստներին, սակայն վերջնական ցանկում հայտնվել են նրանք, ովքեր 2021 թվականի հունվարի 1-ից սկսած մասնակցել են նախատեսված հանդիպումների 2/3-ին։

Այդ գնահատման արդյունքում 2021 թվականի առաջին քառորդի լավագույն ֆուտբոլիստ է ճանաչվել «Բարսելոնայի» հարձակվող Լեո Մեսսին։ Նա տարեսկզբից ի վեր դաշտում անցկացրել է 998 րոպե և 100 հնարավորից ստացել է 92․5 գնահատականը։

Արգենտինացի ֆուտբոլիստին հաջորդում են Ռոբերտ Լևանդովսկին («Բավարիա») և Ժորժինիոն («Չելսի»), ովքեր ստացել են հավասար՝ 89․5 միավոր, իսկ լավագույն տասնյակն ունի հետևյալ տեսքը․

4․ Ռուբեն Դիաշ («Մանչեսթեր Սիթի») – 89․4 միավոր

5․ Կրիշտիանու Ռոնալդու («Յուվենտուս») – 89․3

6-7․ Նաբիլ Ֆեկիր («Բետիս») – 87․6

6-7․ Տոնի Կրոս («Ռեալ Մադրիդ») – 87․6;

8․ Անդրե Սիլվա («Այնտրախտ») – 87․4

9․ Լորենցո Ինսինյե («Նապոլի») – 87

10․ Ջեյդոն Սանչո («Բորուսիա Դորտմունդ») – 86․4

Ամբողջական ցանկին կարող եք ծանոթանալ այստեղ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am