Լևոն Արոնյանն այսուհետ կներկայացնի ԱՄՆ-ն

Շախմատի համաշխարհային օլիմպիադայի եռակի չեմպիոն, աշխարհի կրկնակի գավաթակիր և բազմաթիվ այլ հեղինակավոր մրցաշարերի հաղթող, աշխարհահռչակ շախմատիստ Լևոն Արոնյանն այսուհետ հանդես կգա Ամերիկայի Միացյալ Նահանգների դրոշի ներքո։

Շախմատի համաշխարհային ֆեդերացիան` ՖԻԴԵ-ն, Լևոն Արոնյանի անձնական էջում արդեն փոխել է նրա դրոշը և հայազգի շախմատիստին ներկայացրել է որպես ԱՄՆ շախմատի ֆեդերացիայի անդամ։

Հավելենք, որ ՖԻԴԵ-ի վարկանշային աղյուսակում ներկա պահին Արոնյանը զբաղեցնում է 6-րդ հորիզոնականը։

Հիշեցնենք, որ Լևոն Արոնյանը դեռ ամիսներ առաջ էր հայտարարել, որ հանդես է գալու ԱՄՆ դրոշի ներքո։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am