ՉԼ. Փարիզի կայսր Դի Մարիան հաղթեց իր նախկին թիմի դեմ ճակատամարտը, Յուվենտուս – Աթլետիկո՝ ոչ-ոքի ?

Չեմպիոնների լիգայի առաջին տուրի շրջանակում կայացան 6 հանդիպումներ:

Խաղային օրվա կենտրոնական հանդիպումը A խմբում էր՝ ՊՍԺ – «Ռեալ». տանտերերը հաղթեցին 3:0 հաշվով՝ «արքայական» ակումբի նախկին ֆուտբոլիստ Անխել դի Մարիայի դուբլի (14-րդ և 33-րդ րոպեներ) և ավելացված ժամանակում Մենյեի գոլի շնորհիվ:

B խմբում «Բավարիան» Կոմանի, Լևանդովսկիի և Մյուլերի գոլերի շնորհիվ 3:0 հաշվով հաղթեց «Ցրվենա Զվեզդային»:

C խմբում «Մանչեսթեր Սիթին» 3 անպատասխան գնդակ ուղարկեց Դոնեցկի «Շախտյորի» դարպասը (գոլերը՝ Մահրեզ, Գյունդողան, Ժեզուս) :

Խմբի մյուս խաղում Զագրեբի «Դինամոն» 4 անպատասխան գնդակ ուղարկեց «Ատալանտայի» դարպասը:

D խմբում «Աթլետիկոն» ընդունել էր «Յուվենտուսին». հանդիպումն ավարտվեց ոչ-ոքի՝ 2:2: Կուադրադոյի և Մատուիդիի գոլերին պատասխանել են Սավիչը և Էրերան, ով երկրորդ պատասխան գոլը խփել է հիմնական ժամանակի վերջին րոպեին:

Խմբի մյուս խաղում Լևերկուզենի «Բայերը» նույն հաշվով պարտվել է Մոսկվայի «Լոկոմոտիվին»: