BBC-ի վարկածով Եվրոպայի ամենաթերագնահատված ֆուտբոլիստը
02/12/2019 - 21:31
Ըստ BBC-ի՝ Մադրիդի «Ռեալի» ֆրանսիացի կենտրոնական հարձակվող Կարիմ Բենզեման Եվրոպայի ամենաթերագնահատված ֆուտբոլիստն է։
BBC-ն վիճակագրական մի քանի տվյալ է առանձնացրել ֆրանսիացի հարձակվողից․ Բենզեման ՉԼ պատմության 4-րդ լավագույն ռմբարկուն է՝ 62 գոլով։ Բենզեման Լեո Մեսսիի հետ այն միակ ֆուտբոլիստն է, ով կարողացել է չեմպիոնների լիգայի շրջանակում 15 անընդմեջ մրցաշրջանում դառնալ գոլի հեղինակ։
Բենզեման նաև վերջին 10 տարիներին ամենաշատ գոլ խփած ֆրանսիացին է․ նրա ակտիվում կա 158 գոլ, երկրորդը Անտուան Գրիզմանն է ՝ 138 գոլով։
Բենզեման նաև լավ հիանալի ասիստենտ է․ նա Կրիշտիանու Ռոնալդուին ամենաշատ գոլային փոխանցում կատարած ֆուտբոլիստն է: