Լևանդովսկին ճախրում է. Բարսան ջախջախեց Վալյադոլիդին🎥

Իսպանական Լա լիգայի 3-րդ տուրում «Բարսելոնան»` «Սփոթիֆայ Նոու Կամպ» մարզադաշտում, մրցեց «Վալյադոլիդի» դեմ։

Հանդիպման ողջ ընթացքում «բլաուգրանան» ուներ տոտալ առավելություն` մրցակցի դարպասն ուղարկելով 4 անպատասխան գնդակ։

Խավիի թիմի կազմից հերթական փայլուն հանդիպումն անցկացրեց Ռոբերտ Լևանդովսկին, ով դարձավ դուբլի հեղինակ, մեկական անգամ էլ աչքի ընկան Պեդրին ու Սերժի Ռոբերտոն։

Նշենք, որ Լևանդովսկին Լա լիգայի ընթացիկ խաղարկությունում անցկացրած 3 խաղում դարձել է արդեն 4 գոլի հեղինակ և լավագույն ռմբարկուների պայքարում «Բետիսի» հարձակվող Բորխա Իգլեսիասի հետ կիսում է 1-2-րդ հորիզոնականները։

Այսպիսով, կատալոնական ակումբը հաղթեց 4:0 հաշվով, ինչից հետո վաստակեց 7 միավոր և բարձրացավ 2-րդ հորիզոնական։

«Վալյադոլիդը», 1 միավորով, նախավերջինն է` 19-րդը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am