Բարսելոնան այլընտրանքային երկու տարբերակ ունի, եթե ձախողի Հալանդի գործարքը

«Բարսելոնայի» ղեկավարությունն ու գլխավոր մարզիչ Խավին անում են ամեն ինչ, որպեսզի ակումբը ձեռք բերի բարձրակարգ հարձակվողի, ով կդառնա ակումբի առաջատարը։

Ինչպես տեղեկացնում է Diaro Sport-ը, կատալոնական ակումբի տրանսֆերային գլխավոր նպատակը «Բորուսիա Դորտմունդի» հարձակվող Էրլինգ Հալանդն է, սակայն «բլաուգրանասը» դիտարկում է նաև այլընտրանքային տարբերակներ։

Եթե «կապտանռնագույնները» ձախողեն Հալանդի տրանսֆերը, կփորձեն ձեռք բերել Ալեքսանդր Իսակին («Ռեալ Սոսիեդադ») կամ Դուշան Վլահովիչին («Ֆիորենտինա»)։

Հավելենք, որ հուլիսի 1-ից Հալանդի հրաժարագինը բոլոր ակումբների համար դառնալու է 75 մլն եվրո, «Ֆիորենտինան» Դուշան Վլահովիչին պատրաստ է վաճառել միայն ստանա 70 մլն կամ ավելի գումարի դիմաց, իսկ ինչ վերաբերում է Իսակին, ապա շվեդ հարձակվողին հեղինակավոր Transfermarkt կայքը նրան այժմ գնահատում է 40 մլն եվրո։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am