Դիմադրել չստացվեց. Հայաստան – Իտալիա՝ 1:3 ?

Եվրո-2020-ի ընտրական փուլի J խմբի 5-րդ տուրում Հայաստանի հավաքականը հյուրընկալել էր Իտալիայի ընտրանուն:

Վազգեն Սարգսյանի անվան «Հանրապետական» ստադիոնում կայացած հանդիպումն ավարտվեց հյուրերի հաղթանակով. Հայաստան – Իտալիա՝ 1:3:

Հանդիպման 11-րդ րոպեին Բարսեղյանի հաջող խաղից հետո Ալեքսանդր Կարապետյանը հիանալի հարվածով բացել է հաշիվը:

28-րդ րոպեին Բելոտին խփել է պատասխան գոլը:

Առաջին խաղակեսի ավելացված ժամանակում Ալեքսանդր Կարապտյանը 2-րդ դեղին քարտով հեռացվել է խաղադաշտից:

Երկրորդ խաղակեսի ընթացքում հիմնականում իտալացիները, նաև մերոնք պահեր ունեին: Հանդիպման 78-րդ րոպեին Լորենցո Պելեգրինին գոլի հեղինակ է դարձել՝ հաղթանակ պարգևելով իտալացիներին: Երկու րոպե անց էլ Բելոտին դուբլ է ձևակերպել՝ 1:3:

Այս տուրից հետո Ռոբերտո Մանչինիի գլխավորած ազգային թիմը 15 միավորով գլխավորում է խումբը, մեր ընտրանին 6 միավորով 3-րդն է:

Սեպտեմբերի 8-ին կկայանա Հայաստան – Բոսնիա և Հերցեգովինա հանդիպումը: