Պաշտոնական. Դավիթ Յուրչենկոն նոր ակումբ ունի

Ինչպես տեղեկացնում է ռուսական Մեդիա լիգան ներկայացնող «Բեյ Բեգի» ակումբի մամուլի ծառայությունը, Հայաստանի հավաքականի դարպասապահ Դավիթ Յուրչենկոն տեղափոխվել է վրացական «Թելավի»։

Կողմերի միջև կնքված պայմանագրի մանրամասները չեն հաղորդվում։

Նշենք, որ 37-ամյա դարպասապահը «Բեյ Բեգիի» կազմում հանդես էր գալիս սույն թվականի մարտից, որի հետ Մեդիա լիգայի 2022/23 մրցաշրջանում զբաղեցրել է 4-րդ հորիզոնականը։

Ավելացնենք, որ «Թելավին» վրացական Լիգա Էրովնուլիի ընթացիկ խաղարկությունում անցկացրած 19 խաղում վաստակել է 11 միավոր և զբաղեցնում է վերջին` 10-րդ հորիզոնականը։

Ակումբը վերջերս կարճ ժամանակահատվածով մարզեց նաև Հայաստանի հավաքականի նախկին, «Արարատ-Արմենիայի» ներկայիս գլխավոր մարզիչ Վարդան Մինասյանը։

Հավելենք, որ Դավիթ Յուրչենկոն Հայաստանի հավաքականի կազմում մասնակցել է 25 հանդիպման` դարպասը 7 անգամ պահելով անառիկ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am