Պաշտոնական. Միլանը նոր սեփականտեր կունենա

Ինչպես տեղեկացնում է «Միլանի» պաշտոնական կայքը, ամերիկյան RedBird Capital Partners ներդրումային ընկերությունը կդառնա ակումբի նոր սեփականատերը։

Աղբյուրի փոխանցմամբ` RedBird Capital Partners-ն ակումբի վաճառքի հարցում վերջնական համաձայնության է հասել «Միլանի» ներկայիս սեփականատեր Elliott Advisors UK Limited ընկերության հետ։

Գործարքի դիմաց RedBird Capital Partners-ը գործարքի դիմաց վճարելու է 1.2 մլրդ եվրո, ընդ որում, Elliot-ը «Միլանում» կպահպանի իր տեղը տնօրենների խորհրդում և սեփականության փոքր իրավունք։

Սպասվում է, որ «Միլանի» ղեկավարության փոփոխության գործընթացն ավարտին կհասցվի սույն թվականի սեպտեմբերից ոչ շուտ։

Հավելենք, որ RedBird Capital Partners-ը ներդրող է Fenway Sports Group սպորտային ընկերությունում, որին պատկանում են նաև «Լիվերպուլը», ֆրանսիական «Թուլուզը» և բեյսբոլի «Բոսթոն Ռեդ Սոքսը»։

Ընկերության գլխավոր անձինք են Ջոն Հենրին և Թոմ Վերները, որոնք ղեկավարում են նաև «Լիվերպուլը»։

Հենրին մերսիսայդյան ակումբի գլխավոր բաժնետերն է, իսկ Վերները` նախագահը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am