MNM-ը կրկին փայլեց. ՊՍԺ-ն ջախջախեց Կլերմոնին🎥

Ֆրանսիական Լիգա 1-ի 31-րդ տուրի շրջանակում առաջնության առաջատար ՊՍԺ-ն հյուրընկալվելիս մրցեց «Կլերմոնի» դեմ։

Հանդիպման ողջ ընթացքում Մաուրիսիո Պոչետինոյի թիմն ուներ տոտալ առավելություն ու մրցակցին ջախջախեց 6:1 հաշվով։

Փարիզյան ակումբի կազմից Նեյմարն ու Կիլիան Մբապեն դարձան հեթ-տրիկի հեղինակ։

Նշենք, որ Լեո Մեսսին նույնպես յուրահատուկ հեթ-տրիկի հեղինակ դարձավ` կատարելով երեք գոլային փոխանցում։

Արգենտինացի հարձակվողը Լիգա 1-ի ընթացիկ մրցաշրջանում կատարել է արդեն 13 գոլային փոխանցում ու այդ ցուցանիշով զիջում է միայն Մբապեին (14 ասիստ)։ Վերջինս ներքին առաջնություն խփած գոլերի քանակը հասցրեց 20-ի ու գլխավորեց նաև լավագույն ռմբարկուների ցուցակը։

«Կլերմոնի» միակ գոլն էլ խփեց Ժոդել Դոսուն։

Այս հաղթանակից հետո «Փարիզը» վաստակեց 71 միավոր և շարունակում է վստահորեն գլխավորել Լիգա 1-ի մրցաշարային աղյուսակը` մոտակա հետապնդող «Ռենից» առաջ անցնելով 15 միավորով։

«Կլերմոնը», 28 միավորով, 17-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am