Մոուրինիոյի ասպետական քայլը! «Յուրահատուկը» մտել է Դինամոյի հանդերձարան և շնորհավորել մրցակցին 🎥

Եվրոպա լիգայի 1/8 եզրափակչի պատասխան հանդիպման շրջանակում «Դինամո Զագրեբը» սեփական հարկի տակ 3։0 հաշվով ջախջախեց «Տոտենհեմին»։ Խորվաթական ակումբը տպավորիչ comeback գործեց և ընդհանուր դիմակայությունում հաղթեց 3։2 հաշվով ու նվաճեց Եվրոպա լիգայի 1/4 եզրափակչի ուղեգիր։

Խաղից հետո «Դինամոյի» պաշտոնական Facebook-ի էջում տեսանյութ է հրապարակվել, որտեղ երևում է, թե ինչպես է «Տոտենհեմի» գլխավոր մարզիչ Ժոզե Մոուրինիոն մտնում մրցակցի հանդերձարան և շնորհավորում նրանց հաղթանակի կապակցությամբ։