Ողբերգություն Ռիգայում. Հայաստանի հավաքականը պարտվեց Լատվիային🎥
12/10/2023 - 21:49
Եվրո-2024-ի որակավորկան փուլի 7-րդ տուրում Հայաստանի հավաքականը D խմբի շրջանակում Ռիգայի «Սկոնտո» մարզադաշտում հյուրընկալվելիս մրցեց Լատվիայի ընտրանու դեմ։
Ցավոք, մեր ընտրանին անչափ անհաջող հանդիպում անցկացրեց` պարտվելով 0:2 հաշվով։
Լատվիայի հավաքականին հաղթանակ պարգևեցին Յանիս Իկանուիեկի ու Դանիել Բալոդիի խփած գոլերը։
Նշենք, որ 53-րդ րոպեից տանտերերը խաղում էին 10 ֆուտբոլիստներով. դաշտից հեռացվեց Մարչիս Օսը։
D խմբում կկայանա ևս մեկ հանդիպում.
Խորվաթիա – Թուրքիա
Այս հանդիպումից հետո խմբի մրցաշարային աղյուսակն ունի հետևյալ տեսքը.
- Խորվաթիա (անցկացրած 4 խաղ) – 10 միավոր
- Թուրքիա (անցկացրած 5 խաղ) – 10 միավոր
- Հայաստան (անցկացրած 6 խաղ) – 7 միավոր
- Ուելս (անցկացրած 5 խաղ) – 7 միավոր
- Լատվիա (անցկացրած 6 խաղ) – 3 միավոր
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am