Իրանական ակումբը Ռոնալդուին դիմավորելիս գորգ է նվիրել նրան 🎥

Ասիական Չեմպիոնների լիգայի խմբային փուլի 1-ին տուրում «Ալ Նասրը» E խմբի շրջանակում հյուրընկալվելիս կմրցի իրանական «Պերսեպոլիսի» դեմ։

«Ալ Նասրի» կազմում Թեհրան է մեկնել նաև Կրիշտիանու Ռոնալդուն։

Պորտուգալացի ֆուտբոլիստին դիմավորելուց հետո իրանական ակումբի ներկայացուցիչները նրան գորգ են նվիրել։

Հատկանշական է, որ ավելի վաղ «Պերսեպոլիսի» նախագահ Ռեզա Դարվիշը հայտարարել էր, որ Ռոնդալդուին և «Ալ Նասրի» մյուս բոլոր ֆուտբոլիստներին կարող է տրամադրել բջջային հեռախոսների հատուկ SIM-քարտեր, որոնք կունենան անսահմանափակ ինտերնետ.

«Ես խոսել եմ Irancell-ի (խմբ.` Իրանի գլխավոր օպերատորը) գլխավոր տնօրենի հետ և նշել եմ, որ ցանկանում ենք ֆուտբոլիստներին անսահմանափակ ինտերնետով քարտեր տրամադրել, որոնք նրանք կկարողանան օգտագործել Իրան մուտք գործելուց անմիջապես հետո»,- Դարվիշի խոսքերը մեջբերում է Tarafdari.ir-ը։

Նշենք, որ Իրանում չկա համաշխարհային ինտերնետի հասանելիություն, իսկ բազմաթիվ կայքեր արգելափակված են։

Ավելացնենք, որ «Պերսեպոլիս» – «Ալ Նասր» հանդիպումը կկայանա սեպտեմբերի 19-ին` Երևանի ժամանակով 22:00-ից սկսած։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am