8 կարմիր քարտ մեկ խաղում?
Մեկնարկել է Լիբերտադորեսի գավաթի 2020 թվականի խաղարկությունը։ E խմբի շրջանակում այսօր՝ մարտի 13-ին՝ ուշ գիշերը, կայացել է «Գրեմիո» – «Ինտերնասիոնալ» հանդիպումը։ Այս հանդիպումը սկզբունքային մրցակիցների համար մրցաշարի շրջանակում դարձել է առաջինը։
Խաղավերջում երկու կողմերի միջև սկսվել է զանգվածային ծեծկռտուք։ Ամեն ինչ սկսվել է 88-րդ րոպեից, երբ «Գրեմիոյի» կիսապաշտպան Լուսիանոյի և «Ինտերնասիոնալի» պաշտպան Էդենիլսոնի միջև լեզվակռիվ է սկսվել, իսկ այնուհետև խաղացողները դիմել են ձեռքերի օգնությանը։
Այդ լեզվակռվից հետո սկսվել է զանգվածային ծեծկռտւոք, որին միացել են ինչպես երկու թիմերի բոլոր խաղացողներն, այնպես էլ մարզիչներն ու ակումբի աշխատակիցները։ Մրցավարը 8-ական կարմիր քարտ է տվել երկու կողմերին էլ։ «Գրեմիոյից» կարմիր քարտ են ստացել Լուսիանոն, Պեպեն, Էնրիկե Կայոն, Պաուլո Միրանդան, իսկ հյուրերի կազմից հեռացվել են Էդենիլսոնը, Մոյսեսը, Վիկտոր Կուեստան, ինչպես նաև Բրունո Բրաշեդեսը։
Կողմերի մինջը հանդիպումն, ի վերջո, ավարտվել է 0։0 հաշվով։ Ավելի ուշ հայտնի դարձավ կորոնավիրուսի տարածման պատճառով Լիբերտադորեսի գավաթի խաղարկությունը դադարեցվել է։ «Գրեմիոյի» և «Ինտերնասիոնալի» միջև պատասխան հանդիպումը նախատեսված է անցկացնել ապրիլի 8-ին։
«Գրեմիոն» և «Ինտերնասիոնալը» ներկայացնում են բրազիլական Պորտու Ալեգրի քաղաքը։ Նրանց դերբին տեղացի երկրպագուներն անվանում են Գրե-Նալ և համարվում է Լատինական Ամերիկայի ամենաթեժ դերբիներից մեկը։
# Գրեմիո, Ինտերնասիոնալ, Լիբերտադորեսի գավաթ, կորոնավիրուս