39-ամյա Ռաուլ Ալբիոլը մոտ է Իտալիա վերադառնալուն

Անվանի պաշտպան Ռաում Ալբիոլը մոտ է Ա սերիայի նորեկ «Պիզայի» կազմը համալրելուն, հայտնում է Football Italia-ն։

Տոսկանական ակումբը նախնական բանակացություններ է վարել ու համաձայնության հասել 39-ամյա ֆուտբոլիստի հետ։

Վետերան ֆուտբոլիստը պատրաստ է «Պիզայի» հետ 1+1 սկզբունքով պայմանագիր ստորագրել։

Ալբիոլն այժմ ազատ գործակալ է։ Նա «Վիլյառեալից» հեռացել է այս տարվա ամռանը, որտեղ հանդես էր գալիս 2019 թ. հուլիսից, 201 խաղում 4 գոլ է խփել, կատարել 1 ասիստ։

Պաշտպանն իտալական ակումբներից 2013-19 թթ. խաղացել է «Նապոլիում» և ունի 236 խաղ, 6 գոլ ու 9 ասիստ վիճակագրությունը։ Ալբիոլը հանդես է եկել նաև «Վալենսիոայում» ու Մադրիդի «Ռեալում»։

Ալբիոլը 58 հանդիպման է մասնակցել Իսպանիայի ազգային հավաքականում, որի հետ 2008 և 2012 թթ. դարձել է Եվրոպայի, իսկ 2010 թ.` աշխարհի չեմպիոն։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am