35-ամյա մասնագետը «Ռոմայում» կարող է փոխարինել Ռանիերիին
«Ռոման» սկսել է գլխավոր մարզչի տարբերակներ դիտարկել 2025/26 մրցաշրջանի համար, գրում է La Gazzetta dello Sport-ը։
Հռոմեական ակումբի ներկայիս գլխավոր մարզիչ, 73-ամյա Կլաուդիո Ռանիերին ընթացիկ մրցաշրջանի վերջում ավարտելու է կարիերան։ Վետերան մասնագետին փոխարինելու հավանական թեկնածուներից մեկը Ամստերդամի «Այաքսի» ներկայիս գլխավոր մարզիչ Ֆրանչեսկո Ֆարիոլին է։
Ըստ աղբյուրի` «ջալոռոսիի» սպորտային տնօրեն Ֆլորան Գիսոլֆին և Ռանիերին կապվել են 35-ամյա Ֆարիոլիի հետ և նախնական բանակցություններ վարել նրա հետ։ Միակ խոչընդոտն այն է, որ երիտասարդ մասնագետը մինչև 2027 թ. հունիսի 30-ը գործող պայմանագիր ունի «Այաքսի» հետ։
Հռոմեական ակումբը գլխավորելու հավանական թեկնածուներից են նաև Կառլո Անչելոտին, Մասիմիլիանո Ալեգրին և Վինչենցո Մոնտելան, սակայն ֆավորիտը Ֆարիոլին է։
Իտալացի մասնագետն «Այաքսը» մարզում է 2024 թ. հուլիսից։ Ակումբը նրա գլխավորությամբ 33 խաղում տարել է 25 հաղթանակ, գրանցել 5 ոչ-ոքի, կրել 5 պարտություն։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից
# Ա-սերիա, Այաքս, Կլաուդիո Ռանիերի, Ռոմա, Ֆրանչեսկո Ֆարիոլի