34 հարված, հետ մղած 5 11-մետրանոց. Այաքսի ու Պանատինայկոսի անհավանական թրիլերը 🎥
Եվրոպա լիգայի որակավորման երրորդ փուլի պատասխան խաղում Ամստերդամի «Այաքսը» «Յոհան Կրոյֆ Արենա» մարզադաշտում մրցեց հունական «Պանատինայկոսի» դեմ։
Դիմակայության առաջին խաղում Նիդերլանդների բազմակի չեմպիոնն արտագնա խաղում կարողացել էր 1:0 հաշվով հաղթել մրցակցին։
Պատասխան խաղում Հունաստանի 20-ակի չեմպիոն «Պանատինայկոսը» կարողացավ 89-րդ րոպեին բրազիլացի հարձակվող Տետեի գոլի շնորհիվ 1:0 հաշվով հաղթանակ կորզել հիմնական ժամանակում։
Դիմակայությունը շարունակվեց լրացուցիչ ժամանակում, սակայն նոր գոլեր չեղան։
Կողմերը հաղթողին պարզելու համար իրացրին հետխաղյա 11-մետրանոցներ։ Հարվածաշարն անցավ, պարզապես, անհանական թրիլերային սցենարով. Ֆրանչեսկո Ֆարիոլիի գլխավորած «Այաքսը» հաղթեց 13:12 հաշվով։
Կողմերը միասին վերցրած իրացրել են 34 11-մետրանոց, իսկ «Այաքսի» 40-ամյա դարպասապահ Ռեմկո Պասվերը հետ է մղել մրցակցի 5 հարված։
«Պանատինայկոսից» վրիպել են արգենտինացի Դանիել Մանչինին, սերբեր Նեմանիա Մաքսիմովիչն ու Ֆիլիպ Մլադենովիչը, իսլանդացի Սվերիր Ինգասոնը, նիդերլանդցի Տոնի Վիլենիան։
«Այաքսի» կազմից հարձակվող Բրայան Բրոնին երկու անգամ վրիպել է նշակետից։ Մեկական անգամ էլ աչքի ընկնել չեն կարողացել Յուրի Բասն ու Բետրտան Տրաորեն։
Այսպիսով, «Այաքսը» մեծ դժվարությամբ կարողացել է հաղթահարել «Պանատինայկոսի» արգելքը, դուրս է եկել Եվրոպ լիգայի որակավորման փլեյ-օֆֆ փուլ, որտեղ մրցելու է Լեհաստանի չեմպիոն «Յագելոնիայի» դեմ։
«Պանատինայկոսը» պայքարը շարունակելու է Կոնֆերենցիաների լիգայի որակավորման փլե-օֆֆ փուլում և երկու հանդիպում կանցկացնի ֆրանսիական «Լանսի» հետ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am