16-ամյա ֆուտբոլիստը 90+10-ին «Լիվերպուլին» ֆանտաստիկ թրիլերային հաղթանակ պարգևեց «Նյուքասլի» դեմ խաղում 🎥

Անգլիայի Պրեմիեր լիգայի երկրորդ տուրում գործող չեմպիոն «Լիվերպուլը» հյուրընկալվելիս գոլառատ 3:2 հաշվով թրիլերային հաղթանակ կորզեց «Նյուքասլից»։

Մերսիսայդյան գրանդը 35-րդ րոպեին Ռայան Գրավենբերխի ջանքերով բացեց հաշիվը, իսկ 45+3-րդ րոպեին «կաչաղակների» վինգեր Էնթոնի Գորդոնը կոպիտ խախտման համար հեռացվեց դաշտից։

46-րդ րոպեին Ուգո Էկիտիկեն խփեց Արնե Սլոթի գլխավորած թիմի երկրորդ գոլը` հաշիվը դարձնելով 2:0։

Սպասվում էր, որ «Լիվերպուլը» հեշտ հաղթանակ կտանի, սակայն «Նյուքասլը» կարողացավ սխրանք գործել ու 10 ֆուտբոլիստով հավասարեցնել հաշիվը։

Տանտերերից 57-րդ րոպեին հաշիվը կրճատեց Բրունո Գիմարայեսը, իսկ 88-րդ րոպեին երկրորդ պատասխան գոլը խփեց Վիլիամ Օսուլան։

Թվում էր, թե կողմերը խաղաղությամբ կբաժանվեն, բայց 90+10-րդ րոպեին «Լիվերպուլի» 16-ամյա վինգեր Ռիո Նգումոհան հերոսացավ և հաղթանակ պարգևեց իր թիմին։

«Լիվերպուլը» 6 միավորով երրորդ տեղում է, «Նյուքասլը»` 1 միավորով 15-րդ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am