Ֆրանսիան ջախջախեց Ուկրաինային` նվաճելով ԱԱ-2026-ի ուղեգիր 🎥
Աշխարհի 2026թ. առաջնության եվրոպական գոտու ընտրական մրցաշարի D խմբի 5-րդ տուրում Ֆրանսիայի ազգային հավաքականը Փարիզում 4:0 հաշվով ջախջախել է Ուկրաինայի թիմին։
«Պարկ դե Պրենս» ստադիոնում կայացած խաղում բոլոր գոլերը խփվեցին երկրորդ խաղակեսում։
Դիդիե Դեշամի գլխավորած թիմից երկու գոլ և մեկ ասիստ գրանցեց Մադրիդի «Ռեալի» հարձակվող Կիլիան Մբապեն, մեկական անգամ էլ աչքի ընկան Մայքլ Օլիսեն ու Ուգո Էկիտիկեն։
«Եռագույնները» վաստակեցին 13 միավոր, խմբում առաջ տեղում են` վերջին տուրից առաջ ապահովելով տեղը ԱԱ-2026-ում։
Ֆրանսիացիները 1998թ. ի վեր բաց չեն թողնում Մունդիալը և մրցաշարին կմասնակցեն 8-րդ անգամ անընդմեջ։
Ուկրաինան 7 միավորով երրորդն է։ Սերգեյ Ռեբրովի գլխավորած թիմը նոյեմբերի 16-ին Վարշավայում կմրցի նույնքան միավորով երկրորդ տեղը զբաղեցնող Իսլանդիայի դեմ։ Կողմերը կորոշեն աշխարհի առաջնության անցումային փլեյ-օֆֆ-ի ճակատագիրը։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
# ԱԱ որակավորման փուլ, ԱԱ-2026, Աշխարհի առաջնություն, Դիդիե Դեշամ, Կիլիան-Մբապե, Մայքլ Օլիսե, Մունդիալ-2026, Յուգո Էկիտիկե, Ուկրաինայի հավաքական, Ֆրանսիայի հավաքական