Ֆրանսիայի լիգայի գավաթն այլևս չի խաղարկվի․ հայտնի է պատճառը

2020/21 մրցաշրջանից սկսած Ֆրանսիայի լիգայի գավաթն այլև չի խաղարկվելու։ Ինչպես տեղեկացնում է France Football-ը, մրցաշարի դադարեցման գլխավոր պատճառ է դարձել այն, որ Ֆրանսիայի ֆուտբոլի ֆեդերացիային չի հաջողվել վաճառել 2020-2024 թվականների համար նախատեսված հեռուստատեսային իրավունքները։

ՖՖՖ-ն մտադիր էր մրցաշարը դարձնել ավելի ժամանակակից մրցաշար և դրա համար առաջարկել է մի շարք տարբերակներ, որոնք, սակայն, բոլորը մերժվել են ֆեդերացիայի անդամների կողմից։

Սակայն, ֆեդերացիան չի բացառել, որ ապագայում, հնարավոր է, մրցաշարը նորից խաղարկվի։