Ֆուտզալ. Հայաստանի հավաքականը համառ պայքարում հաղթեց Դանիային 🎥

Ֆուտզալի Հայաստանի ազգային հավաքականը պայքարն սկսեց Եվրո-2026-ի որակավորման հիմնական փուլում և 6-րդ խմբի առաջին տուրում Երևանում մրցեց Դանիայի թիմի դեմ։

Հանդիպումը բավական անսպասելի մեկնարկ ունեցավ, քանի որ հյուրերը շատ արագ երկու գնդակի առավելություն ստացան։

Ռուբեն Նազարեթյանի գլխավորած թիմը նախքան ընդմիջում Ռաֆիկ Մելիքյանի ու Արսեն Պետրոսովի գոլերի շնորհիվ հավասարեցրեց հաշիվը։

Երկրորդ կեսի մեկնարկում արդեն Հայաստանի հավաքականը երկու գնդակ ուղարկեց մրցակցի դարպասը. աչքի ընկան Դենիս Նևեդրովն ու Միհրան Դերմենջյանը։

Դանիացիները խաղակեսի միջնամասում մեկ գնդակ հետ բերեցին, իսկ հանդիպման վերջում լուրջ ճնշում էին գործադրում, սակայն չկարողացան ոչ-ոքի կորզել։

Այսպիսով, հայ ֆուտզալիստները համառ պայքարում հաղթեցին 4:3 հաշվով։

Հայաստանի հավաքականը որակավորման հիմնական փուլում հաջորդ հանդիպումը կանցկացնի դեկտեմբերի 18-ին և հյուրընկալվելիս կմրցի Ղազախստանի դեմ։ 6-րդ խմբում ընդգրկված է նաև Ալբանիայի հավաքականը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից