Ֆուտզալ. Հայաստանի հավաքականը թրիլերային ոչ-ոքի գրանցեց Ղազախստանի դեմ խաղում 🎥

Ֆուտզալի Հայաստանի ազգային հավաքականը Եվրո-2026-ի որակավորման հիմնական փուլի 6-րդ խմբի երկրորդ տուրում հյուրընկալվելիս մրցեց Ղազախստանի դեմ։

Թրիլերային ու համառ պայքարում հայ ֆուտզալիստները կարողացան գրանցել ոչ-ոքի. հանդիպումն ավարտվեց 4:4 հաշվով։

Երկրորդ խաղակեսում ղազախները հաղթում էին 4:2 հաշվով, սակայն Ռուբեն Նազարեթյանի գլխավորած թիմը փրկեց խաղը։

Հայաստանի հավաքականից դուբլի հեղինակ դարձավ Միհրան Դերմենջյանը, մեկական գոլ էլ խփեցին Ռաֆիկ Մելիքյանն ու Արսեն Պետրոսովը։

Հայաստանը 6-րդ խմբում 4 միավորով երկրորդ տեղում է, Ղազախստանը նույնպես 4 միավոը ունի և լրացուցիչ ցուցանիշներով գլխավորում է մրցաշարային աղյուսակը։

Հայաստանի հավաքականը որակավորման հիմնական փուլի երրորդ հանդիպումը կանցկացնի 2025 թ. փետրվարի 1-ին ու Երևանում կմրցի Ալբանիայի դեմ։

6-րդ խմբում ընդգրկված է նաև Դանիայի հավաքականը, որի դեմ խաղում հայերը դեկտեմբերի 14-ին սեփական դաշտում հաղթել էին 4:3 հաշվով։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից