Ֆուտզալի Հայաստանի թիմը հաղթեց Ղազախստանին` նվաճելով Եվրո-2026-ի խմբային փուլի ուղեգիր 🎥
Ֆուտզալի Եվրոպայի 2026 թ. առաջնության որակավորման հիմնական փուլի վերջին` 6-րդ տուրում Հայաստանի ազգային հավաքականը Երևանում մրցեց Ղազախստանի թիմի դեմ։
Ռուբեն Նազարեթյանի գլխավորած թիմը փայլուն հանդիպում անցկացրեց և հաղթեց 4:2 հաշվով։
Հայաստանի հավաքականից հեթ-տրիկ գրանցեց Նիկիտա Խրոմիխը, մեկ գոլ էլ խփեց դարպասապահ Ալբերտ Աղաջանովը։
Հայաստանի թիմը վաստակեց 16 միավոր և 6-րդ խմբում գրավոց առաջին տեղը` պատմության մեջ առաջին անգամ նվաճելով Եվրոպայի առաջնության խմբային փուլի ուղեգիր։ Ղազախները 10 միավորով խմբում երկրորդն են և կմասնակցեն անցումային փլեյ-օֆֆ-ին։
Նշենք, որ Եվրոպայի առաջնությունը կկայանա հունվարի 18-ից փետրվարի 8-ը Լատվիայում և Լիտվայում։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից