Ֆոդենի ֆանտաստիկ բենեֆիսը. Ման. Սիթին հաղթեց Բրենթֆորդին 🎥

Անգլիական Պրեմիեր լիգայի 23-րդ տուրի վերջին խաղում «Մանչեսթեր Սիթին» հյուրընկալվելիս մրցեց «Բրենթֆորդի» դեմ։

Հանդիպման մեծ մասում «քաղաքաբնակներն» ունեին խաղային տոտալ առավելություն` 3:1 հաշվով կամային հաղթանակ տանելով։

Պեպ Գվարդիոլայի թիմից փայլեց Ֆիլ Ֆոդենը` դառնալով հեթ-տրիկի հեղինակ։

23-ամյա ֆուտբոլիստը Պրեմիեր լիգայի ընթացիկ խաղարկությունում անցկացրած 22 խաղում դարձել է արդեն 8 գոլի և 7 գոլային փոխանցման հեղինակ։

«Մեղուների» միակ գոլը խփեց Նիլ Մոպեն։

Այս հաղթանակից հետո «Սիթին» վաստակեց 49 միավոր և վերադարձավ 2-րդ հորիզոնական։

Մանկունյական ակումբը Պրեմիեր լիգայի առաջատար «Լիվերպուլին» զիջում է 2 միավորով, սակայն, Յուրգեն Կլոպի թիմի համեմատ, մեկ հանդիպում քիչ է անցկացրեց։

Պեպ Գվարդիոլայի թիմը 18-րդ տուրից հետաձգված խաղում փետրվարի 20-ին «Էթիհադ» մարզադաշտում մրցելու է նույն «Բրենթֆորդի» դեմ։

«Մեղուները», 22 միավորով, 15-րդն են։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am