ՖԻՖԱ-ն հաստատել է. ԱԱ-2030-ը կընդունի միանգամից 6 երկիր

Ինչպես տեղեկացնում է ՖԻՖԱ-ի պաշտոնական կայքը, կազմակերպության խորհուրդն այսօր` հոկտեմբերի 4-ին, կարևոր որոշում է կայացրել` կապված ԱԱ-2030-ի հետ։

Խորհորհուրդը որոշել է, որ մրցաշարն անցկացվելու է միանգամից 6 երկրում։

Մրցաշարի անցկացման միակ համատեղ հայտը ՖԻՖԱ-ն ստացել էր Պորտուգալիայից, Իսպանիայից և Մարոկկոյից։ Այս երկրները կլինեն աշխարհի առաջնությունն ընդունող հիմնական երկրները։

ՖԻՖԱ-ի որոշմամբ` մրցաշարի մեկական հանդիպում էլ կանցկացվի Ուրուգվայում, Արգենտինայում և Պարագվայում` ի նշանավորումն աշխարհի առաջնության 100 ամյակի։

Աղբյուրի փոխանցմամբ` վերոնշյալ բոլոր երկրների հավաքականները մեխանիկորեն կորակավորվեն մրցաշարի խմբային փուլում։

Mundo Deportivo-ն հայտնում է, որ ԱԱ-2030-ի բացման հանդիպումը կանցկացվի Ուրուգվայի մայրաքաղաք Մոնտեվիդեոյում, որի շրջանակում, հանդես է գալու հենց Ուրուգվայի հավաքականը։

Նույնը վերաբերում է նաև Արգենտինային և Պարագվային։ Այդ երկնրերում կայանալիք հանդիպումներն անցկացվելու են Արգենտինայի և Պարագվայի հավաքականների մասնակցությամբ։

Հավելենք, որ առաջին աշխարհի առաջնությունը 1930 թ. անցկացվել է հենց Ուրուգվայում, որի բացման հանդիպումը կայացել է Մոնտեվիդեոյում։

Ավելացնենք, որ ԱԱ-2026-ն էլ անցկացվելու է ԱՄՆ-ում, Մեքսիկայում և Կանադայում։

Հիշեցնենք, որ աշխարհի գործող չեմպիոնն Արգենտինայի հավաքականն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am