Ֆերնանդու Սանթուշը մոտ է եվրոպական հավաքականներից մեկը գլխավորելուն

Պորտուգալիայի հավաքականի նախկին գլխավոր մարզիչ Ֆերնանդու Սանթուշը շուտով նոր աշխատանք կունենա։

Ինչպես հայտնում է ինսայդեր Ֆաբրիցիո Ռոմանոն, 68-ամյա մասնագետը կգլխավորի Լեհաստանի հավաքականը։

Աղբյուրի փոխանցմամբ` կողմերը մինչև 2026 թ. հուլիսի 31-ը պայմանագիր են համաձայնեցրել։

Նշվում է, որ Սանթուշն ու նրա ներկայացուցիչները Լեհաստանի ֆուտբոլի ֆեդերացիայի հետ պայմանագրի վերջին կետերն են քննարկում, որպեսզի նշանակման մասին հայտարարվի որքան հնարավոր է շուտ։

Հիշեցնենք, որ Սանթուշն ԱԱ-2022-ի ավարտից հետո պաշտոնանկ արվեց Պորտուգալիայի հավաքականի գլխավոր մարզչի պաշտոնից, որը մարզում էր 2014 թվականից։

Պորտուգալիայի հավաքականը նրա գլխավորությամբ 2016 թ. դարձել է Եվրոպայի, իսկ 2019 թ.` Ազգերի լիգայի չեմպիոն։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am