ՀՖՖ. «Ֆերնանդեշը նախքան Եվրո-2020-ը որոշել է խաղալ Հայաստանի Մ-21 հավաքականում» 🎥

ՀՖՖ. «Ֆերնանդեշը նախքան Եվրո-2020-ը որոշել է խաղալ Հայաստանի Մ-21 հավաքականում» 🎥

07/06/2021 - 00:32

Հայաստանի ֆուտբոլի ֆեդերացիայի մամուլի ծառայությունը հետաքրքիր տեսանյութ է հրապարակել Twitter-ի իր միկրոբլոգում` արտացոլելով Հայաստանի Մ-21 տարեկանների հավաքականի պաշտպան Կարեն Մուրադյանի և «Մանչեսթեր Յունայթեդի» կիսապաշտպան Բրունո Ֆերնանդեշի արտաքին նմանությունները։

Բացի դրանից, երկու ֆուտբոլիստներն էլ նույն կերպ են իրացնում 11-մետրանոց հարվածը։

ՀՖՖ-ն հետևյալ կերպ է վերնագրել այդ տեսանյութը.

«Տպավորություն է, թե «Մանչեսթեր Յունայթեդի» կիսապաշտպան Բրունո Ֆերնանդեշը Եվրո-2020-ից առաջ որոշել է խաղալ Հայաստանի Մ-21 տարեկանների հավաքականում»։

Հավելենք, որ Հայաստանի երիտասարդական հավաքականը ներկա պահին գտնվում է Ֆարերյան Կղզիներում և նախապատրաստվում է Եվրո-2023-ի որակավորման փուլի առաջին տուրի Ֆարերյան Կղզիներ Մ-21 – Հայաստան Մ-21 հանդիպմանը, որը տեղի կունենա հունիսի 8-ին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023