Ֆանտաստիկ թրիլեր «Էթիհադում». Ֆեյենորդը Ման. Սիթիի դեմ խաղում հետ բերեց երեք գնդակի կորուստը 🎥

Չեմպիոնների լիգայի հիմնական փուլի 5-րդ տուրում «Ֆեյենորդը» «Էթիհադ» ստադիոնում մրցեց «Մանչեսթեր Սիթիի» դեմ։

Հանդիպումը ֆանտաստիկ սցենար ու ավարտ ունեցավ. Ռոտերդամից ժամանած հյուրերը կարողացան comeback անել ու ոչ-ոքի կորզել. գրանցվեց 3:3 հաշիվը։

«Քաղաքաբնակներն» Էրլինգ Հոլանդի դուբլի և Իլկայ Գյունդողանի գոլի շնորհիվ հաղթում էին 3:0, սակայն նիդերլանդական ակումբը 75-89-րդ րոպեների ընթացքում հետ բերեց կորցրածը. աչքի ընկան Անիս Հաջ Մուսան, Սանտիագո Խիմենեսն ու Դավիդ Հանցկոն։

Նշենք, որ Պեպ Գվարդիոլայի գլխավորած թիմը բոլոր մրցաշարերի նախորդ 6 խաղերում չի հաղթել` կրելով 5 պարտություն։

«Սիթին» 8 միավոր ունի,15-րդ տեղում է, Բրայան Պրիսկեի գլխավորած «Ֆեյենորդը» 7 միավորով 20-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից