Օլիվիե Ժիրուն դարձավ Ֆրանսիայի հավաքականի պատմության լավագույն ռմբարկուն

ԱԱ-2022-ի 1/8 եզրափակիչի շրջանակում Ֆրանսիայի հավաքականը մրցում է Լեհաստանի ընտրանու դեմ։

44-րդ րոպեին Կիլիան Մբապեի փոխանցումից հետո «եռագույնների» կազմից աչքի ընկավ Օլիվիե Ժիրուն` բացելով հանդիպման հաշիվը։

36-ամյա հարձակվողը Ֆրանսիայի հավաքականի կազմում խփած գոլերի քանակը հասցրեց 52-ի` դառնալով «եռագույնների» պատմության լավագույն ռմբարկուն։

Ժիրուն այդ ցուցանիշով շրջանցեց լեգենդար Թիերի Անրիին, ով հավաքականի կազմում խփել է 51 գոլ։

Նրանց հաջորդում են Անտուան Գրիզմանը (42), Միշել Պլատինին (41), Կարիմ Բենզեման (37), Դավիդ Տրեզեգեն (34), Զինեդին Զիդանը (31), Կիլիան Մբապեն (31) և Յուրի Ջորկայեֆը (27)։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am