Քրիստիան Էրիկսենի փայլուն գոլը հաղթանակ պարգևեց Դանիային Շվեդիայի դեմ խաղում 🎥

Դանիայի հավաքականը Կոպենհագենի «Պարկեն» մարզադաշտում ընկերական հանդիպում անցկացրեց Շվեդիայի հետ։

Դանիացիները կարողացան խաղավերջում 2:1 հաշվով հաղթանակ կորզել։ Հանդիպման հերոս դարձավ տանտերերի առաջատար Քրիստիան Էրիկսենը, որը նախ երկրորդ րոպեին գոլային փոխանցում կատարեց Պիեռ-Էմիլ Հոյբերգին, ապա 86-րդ րոպեին հեռահար փայլուն հարվածով հաղթանակ պարգևեց իր թիմին։ Շվեդներից աչքի ընկավ Ալեքսանդր Իսակը։

Դանիան հաջորդ ընկերական հանդիպումը կանցկացնի հունիսի 8-ին և Բրոնբյուում կընդունի Նորվեգիային։

Շվեդները նույն օրը Սլոնայում կմրցեն Սերբիայի դեմ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am