Քոուլ Պալմերը` ԱՊԼ-ի մրցաշրջանի լավագույն երիտասարդ ֆուտբոլիստ

«Չելսիի» կիսապաշտպան Քոուլ Պալմերը ճանաչվել է անգլիական Պրեմիեր լիգայի 2023/24 մրցաշրջանի լավագույն երիտասարդ ֆուտբոլիստ, հայտնում է առաջնության պաշտոնական կայքը։

22-ամյա ֆուտբոլիստը քվեարկության արդյունքում առաջ է անցել Ֆիլ Ֆոդենից («Մանչեսթեր Սիթի»), Էրլինգ Հոլանդից («Մանչեսթեր Սիթի»), Ալեքսանդր Իսակից («Նյուքասլ»), Քոբի Մայնուից («Մանչեսթեր Յունայթեդ»), Բուկայո Սակայից («Արսենալ»), Վիլիամ Սալիբայից («Արսենալ») և Դեսթինի Ուդոջիից («Տոտենհեմ»)։

Պալմերը Պրեմիեր լիգայի ընթացիկ մրցաշրջանում 32 խաղում խփել է 22 գոլ, կատարել 10 գոլային փոխանցում։ Նա առաջնության լավագույն ռմբարկուների պայքարում երկրորդ տեղում է և զիջում է միայն Հոլանդին, որը խփել է 27 գոլ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am