Քեյնի ծառայություններն առաջարկել են իսպանական գրանդին

«Տոտենհեմի» հարձակվող Հարի Քեյնը, հնարավոր է, ամառային տրանսֆերային պատուհանի ժամանակ փոխի ակումբային գրանցումը:

Ինչպես հայտնում է Cadena SER-ը, 29-ամյա հարձակվողը մտադիր է լքել «խցանների» շարքերն ու տեղափոխվել ավելի բարձրակարգ ակումբ:

Աղբյուրի փոխանցմամբ՝ Քեյնի գործակալներից մեկը նրա ծառայություններն առաջարկել է «Ռեալին»: Վերջինս դիմել է «արքայական» ակումբին՝ հասկանալու համար արդյոք «սերուցքայինները» պատրաստ են գնել Քեյնին, թե՝ ոչ:

Հաղորդվում է, որ «Ռեալի» ներակայացուցիչներն անգլիացի ֆուտբոլիստի գործակալին որևէ պատասխան չեն տվել, սակայն ակումբում քննարկում են հավանական գործարքի դրական ու բացասական կողմերը:

Ավելի վաղ հաղորդվում է, որ Քեյնի ծառայություններով հետաքրքրված են ՊՍԺ-ն, «Մանչեսթեր Յունայթեդն» ու «Բավարիան»:

Հավելենք, որ Հարի Քեյնն ընթացիկ մրցաշրջանում բոլոր մրցաշարերի շրջանակում անցկացրել է 48 հանդիպում՝ դառնալով 30 գոլի և 5 գոլային փոխանցման հեղինակ:

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am