Փարիզ-2024. Անդրանիկ Կարապետյանի վերջնական արդյունքը🎥
Փարիզի Օլիմպիական խաղերում պայքարն ավարտեց Հայաստանը ներկայացնող ծանրամարտիկ Անդրանիկ Կարապետյանը (89 կգ)։
Աշխարհի առաջնության երրորդ մրցանակակիր, Եվրոպայի առաջնությունների ոսկե, արծաթե ու կրկնակի բրոնզե մեդալակիր Կարապետյանը երկամարտի 370 կգ (170+200 կգ) արդյունքով գրավեց 7-րդ տեղը։
28-ամյա ծանրորդը պոկում և հրում վարժությունում միայն մեկ հաջող մոտեցում կատարեց։
Պոկում վարժությունում Կարապետյանը երրորդ մոտեցման ժամանակ գլխավերևում պահեց 177-կիլոգրամանոց ծանրաձողը, սակայն մրցավարները չհաշվեցին մոտեցումը։
Քաշային կարգում օլիմպիական չեմպիոն դարձավ բուլղարացի Կառլոս Նասարը, որը ցույց տվեց երկամարտի 404 կգ (180+224 կգ) արդյունքը։ 20-ամյա ծանրորդը հրում վարժությունում և երկամարտում սահմանեց համաշխարհային ռեկորդ։
Արծաթե մեդալը նվաճեց վենեսուելացի Յեիսոն Լոպեսը (390` 180+210 կգ), իսկ բրոնզե մեդալակիր դարձավ իտալացի Անոտնիո Պիցոլատոն (384` 172+212 կգ)։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am